ڈاکٹر عبدل قادر سومرو ان ڈاکٹرز میں شامل تھے جو کرونا وائرس سے متاثر مریضوں کے علاج میں مصروف رہے اور اس دوران خود وائرس کا شکار ہوگئے ان کی خدمات یاد رکھی جائیں گی انہوں نے صحرائے تھر میں خدمات سرانجام دیں دیگر ڈاکٹرز اور طبی عملہ وائرس کا شکار ہوچکا ہے اس کی وجوہات کو سمجھنا بہت ضروری ہے تاکہ اس بات کو یقینی بنایا جاسکے کہ طبی عملہ کرونا وائرس سے بچ سکے اس ضمن میں درج ذیل تدابیر اختیار کی جاسکتی ہیں ۔1-کرونا وائرس کے علامات والے جو افراد ہسپتالوں سے رجوع کرتے ہیں ان میں وائرس کے امکانات زیادہ ہوتے ہیں اور ان کو ایک ہی جگہ پر قریب قریب بٹھایا جاتا ہے اس طرح یہ امکان بڑھ جاتا ہے کہ دیگر افراد کو وائرس منتقل ہو ایک مربوط طریقہ کار اختیار کرنے کی ضرورت ہے کہ ایسا ممکن نہ ہوسکے 2- کرونا وائرس سے متاثر افراد کیلئے کم از کم ایسی جگہیں یا ہسپتال ہوں جہاں انہیں طبی امداد دی جائے اور ان جگہوں پر بہترین سہولیات موجود ہوں تاکہ ڈاکٹرز اور طبی عملہ بچ سکے ان کے پاس مناسب حفاظتی سامان اور فوری نوعیت کے طبی آلات موجود ہوں تاکہ اس وائرس کے حملے کے بعد فوراً بچاؤ کو ممکن بنایا جاسکے 3- جو ڈاکٹرز اور طبی عملہ وہاں تعینات ہو ان کو اپنے گھر جانے سے پہلے ٹیسٹ سے گزرا جائے تاکہ وہ وائرس لیکر گھر نہ جائیں اور ان کے دیگر عزیز اور رشتہ دار اس مہلک وائرس کا شکار نہ ہوسکیں 4- ان جگہوں یا ہسپتالوں کے گرد سخت حفاظتی انتظامات موجود ہوں اور ہر ایک کی رسائی ناممکن بنائی جائے صرف مریضوں کو ہی وہاں جانے کی اجازت ہو 5- ڈاکٹرز اور طبی عملے کی ضرورتیں ان سے دریافت کرکے انہیں ضرور فراہم کی جائیں
