پاکستان ‏میں ‏ہونے ‏والے ‏سیاسی ‏و ‏سماجی ‏سروے ‏اور ‏ان ‏کی ‏نتائج ‏

کسی بھی ریاست میں جو کچھ بھی ہوتا ہے اس کا کہیں نہ کہیں سے تعلق سیاست سے ضرور ہوتا ہے اور یہ عمل اس حد اور اس درجہ اھمیت رکھتا ہے کہ کوئی بھی شہری کب سوتا ہے اور کب جاگتا ہے یہ عمل بھی سیاست سے جڑا ہوا ہے - معاشرے میں رجحانات کو جانچنے کیلئے اکثر و پیشتر مختلف نوعیت کے سروے ہوتے رہتے ہیں اور بہت سے ادارے یہ کام سرانجام دے رہے ہیں - ان اداروں کے سیاسی روابط بھی موجود ہوتے ہیں اور اس کے ساتھ ساتھ مالی مفادات بھی ان کو اپنے پیش نظر رکھتے ہوئے یہ کام سرانجام دینا ہوتا ہے - پاکستان میں آج تک جو بھی سماجی یا سیاسی نوعیت کے سروے ہوئے ہیں اور جن رجحانات کو ریکارڈ اور ڈیٹا کو حصہ بناتے ہوئے سامنے لایا گیا وہ اتفاقاً غلط ہی ثابت ہوئے ہیں اور جب بھی انتخابات ہوئے تو آنے والے نتائج اس سے ہٹ کر ہی تھے - اب ہم یہ جاننے کی کوشش کریں گے کہ وہ کیا عوامل ہیں جن کی وجہ سے آنے والے نتائج یا ڈیٹابیس میں ظاہر کردہ رجحانات سامنے نہیں آسکے ہیں - سب سے اھم بات یہ ہے کہ یہ سروے مخصوص طبقے تک ہی محدود رہتے ہیں اور ان کا عمومی طور پر تعلق وسیع تر مفہوم میں عوام الناس سے نہیں بن پاتا ہے اور کوشش یہ کی جاتی ہیں کہ کم وقت میں ڈیجیٹل ذرائع ابلاغ استعمال کرتے ہوئے یہ کام سرانجام دے دیا جائے اور یہ غلط بھی نہیں ہے کیونکہ ڈیجیٹل ٹیکنالوجی ترقی یافتہ ہے اور اس سے فائدہ بھی اٹھایا جانا چاہیے اور اگر بذریعہ ایس ایم ایس سروے تشکیل دیا جائے تو اس طرح یہ تمام تر طبقات تک رسائی حاصل کرے گا اور آنے والے نتائج کسی ایک مخصوص طبقے تک محدود نہیں ہوں گے - ایس ایم ایس یا میسج مفت جوابی ہونا چاہیے اور عوام الناس کو اگر جواب کے لئے رقم خرچ کرنی پڑی تو اس کے نتائج بہترین نہیں آسکتے - آج تک جو بھی سماجی اور سیاسی نوعیت کے سروے پاکستان میں کئے گئے ہیں وہ قابل بھروسہ بھی نہیں ہیں اور ان سے وابستہ ڈیٹا مستند نہیں کہلا سکتا ہے اور اس کی وجہ یہ ہے کہ مخصوص سیاسی خیالات رکھنے والوں سے ہی رابطہ کیا گیا - سماجی اور سیاسی تحقیق کی بنیادیں ٹھوس نہیں ہوتی ہیں اور جو سوالات پوچھے جاتے ہیں وہ براہ راست ہوتے ہیں اور ان میں بہت سے پہلو نظر انداز بھی کردیئے جاتے ہیں اس طرح یہ سروے معتبر نہیں بن پاتے ہیں - عمومی طور پر سماجی اصلاحات کی بنیاد سروے فراہم کرتے ہیں اور اگر یہ درست نہ ہوں تو اس کے اثرات متاثر کرتے ہیں - سروے میں جو نکتہ نظر سامنے آتا ۔ وہ لسانی پہلو لئے ہوتا ہے اور یہ ایک حقیقت ہے کہ ہر سیاسی جماعت کسی نہ کسی لسانی گروہ کو زیادہ قریب رکھتی ہے اور عوام اس کا ردعمل دیتے ہیں - معاشرے میں شوقیہ ،بلاوجہ ،ضرورتاً اور عادتاً جھوٹ بولنے کا نہ صرف رجحان موجود ہیں بلکہ یہ ثقافت کا ایک حصہ بھی ہے - معاشرہ دوغلے پن کا شکار بھی ہے اور یہی وجہ ہے کہ ضروری نہیں کہ جو جواب دیا گیا تھا وہ سنجیدگی سے لیا گیا بھی ہو - پاکستان میں خوش آئند بات یہ ہے کہ جمہوریت مضبوط ہورہی ہے اور اس کا تسلسل موجود ہے اور مصنوعی ڈیٹا حقیقی نکتہ نظر کو متاثر کرسکتا ہے جس سے جمہوریت کو نقصان پہنچے گا - جو سوالات تیار کئے جاتے ہیں وہ گنجائش سے خالی ہوتے ہیں اور مجبوراً انتخاب کا پہلو غالب رہتا ہے - تاریخی پس منظر اور موجودہ حالات کو آپس میں ملا کر بہترین سوالات بھی تیار کئے جاسکتے ہیں جس کو اکثر نظر انداز کر دیا جاتا ہے - عالمی مالیاتی تناظر کی ضروریات کا خیال رکھتے ہوئے سوالات تیار کئے جاتے ہیں اور اکثر ترقی پذیر ممالک میں جن سوالات کی جھلک سامنے آتی ہیں والے جمہوری طرزِ فکر کی نفی کرتی ہے - جن اداروں نے سروے کرنا ہوتا ہے ان پر سیاسی دباؤ موجود ہوتا ہے اور یہ خود بھی اس کے لئے ہمیشہ تیار بھی رہتے ہیں - سروے عموماً کسی مخصوص جگہ ،علاقے ،گاؤں ،قصبے ،شہر میں کیا جاتا ہے اور چونکہ جاگیر درانہ کلچر سیاسی بنیادوں پر بھی مضبوط ہے لہٰذا اِس صورت میں جو نتائج آتے ہیں وہ اکثر ایک جیسے ہوتے ہیں اور سیاسی مفادات انتہائی نچلی سطح کو بھی متاثر کرتے ہیں - پاکستان میں جمہوریت اور جمہوری طرزِ فکر مستحکم نہیں ہے اور عوامی اذہان عارضی مفادات سے متاثر ہوتے رہتے ہیں اور اس کے اثرات سروے کی نتائج پر بھی دیکھنے کو ملتے ہیں