کراچی میں بارشوں کا سلسلہ رک چکا ہے اور پانی کی نکاسی بھی ہوچکی ہے اور جگہ جگہ موجود گندگی کیلئے ہنگامی بنیادوں پر اقدامات ضروری تھے جو اٹھائے گئے ہیں اور ایک بار مکمل اور بھرپور طریقے سے اگر صفائی کے عمل کو سرانجام دے دیا جائے تو آئندہ کیلئے کراچی کو بہتر بنایا جاسکے گا اور ایک ایسا ماحول بنانے کی بھی اشد ضرورت ہے جو کراچی کو صاف ستھرا رکھنے کے لئے ایک ضرورت بھی ہے ۔ صوبائی حکومت کی طرف سے بھرپور تعاون پیش کیا جائے گا جو اس بات کا ثبوت بھی ہوگا کہ کراچی کو صاف ستھرا رکھنے کی خواہش صوبائی حکومت بھی رکھتی ہے کیوں کہ کراچی صوبائی دارلخلافہ بھی ہے اور اس کا امیج بہتر بنانا پاکستان کا امیج بہتر بنانے جیسا ہے ۔ حکام کی طرف سے لازمی طور پر ان افراد کو پکڑنا ضرورت ہے جو نالوں میں پتھر اور رضائیاں ڈال کر نالوں کو بند کردیتے ہیں اور پس منظر میں موجود سیاسی مقاصد کیلئے ایک آپریشن ہونا چاہیے ۔ چیرمین این ڈی ایم اے کو شہریوں کی طرف سے بھرپور تعاون بھی دستیاب ہوگا
.jpg)
.jfif)
