مثبت ‏سوچ ‏کے ‏اثرات ‏

مثبت سوچ ہی مثبت زندگی زندگی قرار دی جاسکتی ہے کیوں کہ مثبت پہلو سے اگر نہ سوچا جائے تو زندگی زیادہ مشکل ہوسکتی ہے اور مستقل طور پر اس عمل کے نتیجے میں ذھنی بیماریوں سمیت دیگر سماجی مسائل درپیش ہوسکتے ہیں - مثبت سوچ کی ایک خوبی یہ بھی ہے کہ یہ تیزی سے ابھرتی ہے جبکہ منفی سوچ آہستہ آہستہ اپنی جگہ بناتی ہے اور یہ دھیما پن مستقل بیماری کا روپ لے لیتا ہے ۔ اگر صرف دوسرے لوگوں کی اچھائیوں کو ہی مدنظر رکھتے ہوئے آگے بڑھا جائے تو سفر سست نہیں ہوتا اور منفی سوچ کی افسردگی ہمراہ نہیں ہوتی اور مثبت سوچ کی مثال پھولوں کی خوش بو ہے - آپ کو دوسروں کا صرف فائدہ ہی سوچنا ہے اور اس فائدے میں اپنا فائدہ آپ کو واضح نظر آئے گا اور اگر دوسروں کے نقصان کیلئے آپ سوچتے ہیں تو ہوسکتا ہے کہ آپ ان کو نقصان پہنچانے کی حالت میں بھی ہوں اور نقصان پہنچائیں بھی مگر اس سے آپ بیماریوں ،ذھنی الجھنوں اور مسائل کو دعوت بھی دے دیتے ہیں اور یہ نقصان مستقل نوعیت کا ہوسکتا ہے ۔  مثبت سوچ رکھنے والی شخصیت ہمیشہ تروتازہ اور صحت مند رہتی ہے جبکہ منفی سوچ کی حامل شخصیت مایوسی اور افسردگی میں ڈوبی ہوئی ہی رہتی ہے - آپ جس حد تک مثبت سوچ اپنا سکتے ہیں ضرور اپنائیے کیوں کہ منفی سوچ آپ کو تباہ کرنا شروع کردیتی ہے اور آپ اس تعمیر سے محروم رہ جاتے ہیں جو مثبت سوچ کے نتیجے میں ہی ملتی ہے ۔ آپ مثبت سوچتے ہوئے جب دوسروں کا فائدہ ہی مدنظر دکھتے ہیں تو یہ زاویہ نگاہ آپ کو معتبر بھی بناتا ہے اور جو لوگ دوسروں کی برائیاں ہی تلاش کرتے ہیں وہ وقت کے ضیاع کے ساتھ ساتھ افسردگی کے عالم میں ہی رہتے ہیں