یومِ ‏الحاق ‏پاکستان ‏

آج کے دن 19 جولائی کو کشمیری عوام کی طرف سے الحاق پاکستان کے طور پر دنیا بھر میں منایا جاتا ہے اور اس دن کی مناسبت سے تقاریب کا انعقاد بھی کیا جاتا ہے ، جلسے جلوس اور مظاہرے بھی کئے جاتے ہیں اور بھارت کی طرف سے کشمیر کے جس ٹکڑے پر غاصبانہ قبضہ کیا گیا ہے اور وہاں اٹوٹ انگ قائم رکھنے کی کوششوں میں دنیا کی تاریخ کا طویل ترین لاک ڈاؤن ، تشدد کے واقعات ، انسانی حقوق کی سنگین خلاف ورزیوں ، ماورائے عدالت قتل ، بچوں پر شدید تشدد اور ان کی آنکھوں کے سامنے ان کے سرپرستوں کو مارنے کے واقعات ڈسکس کئے جاتے ہیں اور اس امر پر حیرت کا اظہار بھی کیا جاتا ہے کہ سلامتی کونسل کی طرف سے کشمیری عوام کے حق خودارادیت تسلیم کئے جانے کے باوجود کشمیری عوام محروم کیوں ہیں اور مسلسل قربانیاں دے رہے ہیں جن کو بین الاقوامی میڈیا نشر کرتا رہتا ہے اور عالمی برادری کے وہ کیا مفادات ہیں جو مسئلہ کشمیر میں رکاوٹیں ڈال رہے ہیں ۔ آح کا دن ایک انقلاب آفریں دن ہے اور اس مسلسل جدوجہد کی یاد دلاتا ہے جو جاری ہے اور حق خودارادیت حاصل ہونے تک جاری رہے گی اور کشمیری عوام مزید قربانیوں کیلئے بھی تیار ہیں لیکن وہ اپنا حق لیکر ہی رہیں گے اور ہر طرح کے مظالم سہ رہے ہیں اور آج صورتحال ایسی بن چکی ہے کہ وہ عملی طور پر ایک بڑی جیل میں رہ رہے ہیں