کراچی ‏- ‏تجاوزات ‏

پاکستان کے سب سے بڑے شہر کراچی کے مسائل نہ صرف موجود ہیں بلکہ ان میں اضافہ بھی ہورہا ہے اور ان میں سے ایک مسئلہ ناجائز ،غیر قانونی تجاوزات کا بھی ہے جو کراچی کی سڑکوں سے لیکر چھوٹے چھوٹے محلوں اور علاقوں تک میں موجود ہیں - یہ تجاوزات 

نہ صرف کراچی کا امیج تباہ کررہی ہیں بلکہ ماحولیاتی مسائل بھی پیدا کرنے کا سبب بن رہی ہیں - کراچی میں ماضی میں سپریم کورٹ آف پاکستان کے حکم پر تجاوزات کے خلاف بھرپور کارروائی کی گئی اور کراچی کا اصل چہرہ سامنے لانے کی کوشش کی جاچکی ہے جس کے اثرات زائل ہورہے ہیں اور دوبارہ سے تجاوزات قائم کرنے کا سلسلہ جاری ہے اور ان میں اضافہ ہوتا جارہا ہے - تجاوزات نہ صرف ماحولیاتی مسائل پیدا کررہی ہیں بلکہ ان سے ٹریفک جام ہونا معمول بن چکا ہے خصوصاً کراچی کے پسماندہ علاقوں میں تجاوزات کی بھرمار ہے اور خصوصیت سے اگر ذکر کیا جائے تو سائٹ ایریا انڈسٹریل حب ہے اور اس کے ملحقہ بستیوں میں ناجائز اور غیر قانونی تجاوزات کی وجہ سے صورتحال حد درجہ ابتر ہے اور سب سے بڑی بستی شیر شاہ کالونی میں تجاوزات اس درجہ موجود ہیں کہ پیدل جلنا بھی مسئلہ بن چکا ہے اور تجاوزات سے منسلک کاروبار لاؤڈ اسپیکر کا استعمال بھی کررہے ہیں جس کی وجہ سے ماحول میں شور کی آلودگی حد درجہ بڑھ چکی ہے - کراچی کے پسماندہ علاقوں میں تجاوزات کے خلاف ایک بھرپور آپریشن کی اشد ضرورت ابھر کر سامنے آچکی ہے جو عوام الناس کیلئے سکون کا باعث بن سکے - تجاوزات وہیں زیادہ ہیں جہاں آبادی زیادہ ہے اور جہاں آبادی زیادہ ہے وہاں تجاوزات مافیا کی طرف سے ایسا ماحول بنایا جارہا ہے کہ سانس لینا بھی دشوار ثابت ہورہا ہے ۔  مندرجہ ذیل تصاویر موضوع پر روشنی ڈالتی ہیں !